Г.Ганбаатар: Ирэх сараас Баар, Караокег цагийн хязгаарлалттай нээх чиглэл гарсан

"Ковид 19" цар тархалттай холбоотой улс орон даяар Бэлэн байдлын зэрэгт шилжиж олон аж ахуй нэгж байгууллага модоо барихад хүрээд байна. Голомт болсон Улаанбаатар хот ирэх сараас бүх салбарын үйл ажиллагааг нээхээр болсон.

Үүнтэй холбоотой үйл ажиллагаа нь эхлээгүй аж ахуй нэгж байгууллагын үйл ажиллагааг Орхон аймаг нээх төлөвлөгөөтэй байгаа талаар аймгийн ОБГ-ын дарга Г.Ганбаатар хэллээ.

Манай аймагт үйл ажиллагаа нь элээхгүй Баар, Караоке, Сүм хийд, PC тоглоом, Дугуйлан сургалт гэсэн таван салбар байгаа юм.

 Дээрх чиглэлийн бизнес эрхлэгчдээс нээлгэх хүсэлт их ирж байгаа юм байна.  Иймд гуравдугаар сарын 1-ний өдрөөс цагийн хязгаарлалттай , халдвар хамгаалалтын дэглэмийг баримтлах, хариуцлагын гэрээ хийж ажиллуулах чиглэл гарсан байна. 

Харин архи согтууруулах ундаа худалдан борлуулах цагийн хуваарийг энэ хэвээр нь үлдээх хүсэлт иргэдээс их ирж байгаа учир одоо мөрдөгдөж байгаа өглөө 10 цагаас оройн 18 цаг хүртэл худалдан борлуулах юм байна.