Facebook   Twitter   Youtube

Facebook   Twitter   Youtube

Хайх зүйлээ бичнэ үү

Халуун сэдэв 10 сарын өмнө 12,350 1

"Шүр" дэн буудал төрийн албан хаагчтай холбоотой юу?

2020-03-16 12:03 ETCITY.mn 1 минут унших


Орхон аймагт 12 дэн буудал 38 зочид буудал бий. Эдгээрээс байгуулагдсан цагаасаа эхлэн орон сууцны 1-р давхарт дэн буудал ажиллуулж, архидалт нь хирээс хэтэрлээ гэсэн шүүмжлэлд байнга өртдөг газрын нэг бол 3-р микрийн 23-р байранд байрлах "Шүр" дэн буудал.Тэднийх шалгалтаар удаа дараа зөрчил илэрдэг ч удахгүй дарагддаг. Энэ онд хийсэн шалгалтаар "Шүр" дэн буудал нь насанд хүрээгүй хүүхдэд үйлчилж байсан зөрчил ч илэрчээ. Гэтэл уг дэн буудлыг байгуулсан хүн төрийн албанд, тэр дундаа хяналт шалгалт хийдэг газарт ажилладаг учраас ямар ч зөрчил илэрсэн арга хэмжээ авагдахгүй байсаар өдий хүрсэн гэсэн мэдээлэл ч байна.

Өнөөдөр засаг дарга шуурхай хурал дээрээ холбогдох албаны хүмүүсээс энэ буудал хэнийх вэ эзнийг нь хэлээд өг  гэж тодруулсан боловч зочид буудалд  зөвшөөрөл олгодог, хянадаг байгууллага болох БОАЖГ-ын  ахлах мэргэжилтэн О.Цэрэнчимэд "мэдэхгүй" гэсэн хариу өглөө.

Үйл ажиллагаа явуулаад бараг 15 жил болж байгаа дэн буудлын эзнийг ч мэдэхгүй хяналт шалгалт хийсээр л байх уу. Энэ мэтээр ямар ч шалгалтанд тэсээд л үлддэг энэ хирээрээ хууль дүрмийг тоодоггүй "Шүр" буудлынхантай холбоотой бүүр ч ноцтой гомдол иргэдээс ирсэн байна. Коровирусын халдвар тархалтаас сэргийлэх зорилготой авсан арга хэмжээний хүрээнд хаалга үүдээ хааж "АЖИЛЛАХГҮЙ" гэсэн бичиг нүүрэн дээрээ өлгөсөн ч орцныхоо хаалгаар хүмүүс оруулж үйл ажиллагаа явуулсаар байгаа төдийгүй биеэ үнэлэгчдийг ч оруулж байна гэж иргэд мэдээлжээ.  Нөгөөтэйгүүр зочид буудлын хяналт шалгалт МХГ-аас БОАЖГ-т шилжсэн хэдий ч БОАЖГ-ынханд хяналт шалгалтаар илэрсэн зөрчилд арга хэмжээ авах эрхгүй байдаг болчихсон. Харин энэ цоорхойгоор нь дэн буудлууд гаарч байгаа юм.  

 

Б.Цэвэгмид



Сэтгэгдэл бичих

202.131.254.76

Хариулах 10 сарын өмнө

Ямар сонин юм бэ. Хаагаачээ


Бүх мэдээг үзэх

Холбоотой мэдээ


БУСАД МЭДЭЭ